Plantun de Prouvènço

Pèr coumpara dos planto d'encò nostre

Hypecoum pendulum & Melampyrum cristatum

Hypecoum pendulum

Papaveraceae

Noms en français : Cumin à fruits pendants, Petit Cumin.

Descripcioun :
Lou cumin-pendoulant trachis dins li champ de cerealo. Mai emé lis erbicide e la criblo di gran, es uno planto que se vèi pu gaire. Fai de fueio primo e proun penado, de flour mistoulino un pau plato emé li petalo dóu deforo mai longo que li dóu dedins. Douno de long fru que pendoulon (fotò). La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hypecoum
Famiho : Papaveraceae

Ordre : Ranunculales

Coulour de la flour : Jauno
Petalo : 4
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Champ - Meissoun - Ermas
Estànci : Mesoumediterran
Couroulougi : Eurimediterrano-Èst
Ref. sc. : Hypecoum pendulum L., 1753

Roujolo(-à-crèsto)

Melampyrum cristatum

Orobanchaceae Scrophulariaceae

Àutri noum : Roujolo, Pinau.

Nom en français : Mélampyre à crête.

Descripcioun :
Aquesto roujolo, que se pòu vèire touto jauno, es uno planto pulèu raro que se rescontro dins d'ùni blachiero e faio de colo e de basso mountagno. Se recounèis à si bratèio crestado (careno) sus quatre reng. La planto èi proutejido sus listo roujo, categourìo LC, es à dire soucit minour.

Usanço :
Coume tóuti li Melampyrum es uno planto à mita parasito. Couneissèn pas d'usanço particuliero pèr aquelo planto toussico.

Port : Erbo
Taio : 15 à 50 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Melampyrum
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour :
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 50 à 1200 m
Aparado : Noun
Mai à avoust

Liò : Faio - Blachiero
Estànci : Subremediterran à Mountagnard
Couroulougi : Éurasiatico
Ref. sc. : Melampyrum cristatum L., 1753 (= Melampyrum solstitiale Ronniger )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Hypecoum pendulum & Melampyrum cristatum

ges

Coumpara Cumin(-pendoulant) emé uno autro planto

Coumpara Roujolo(-à-crèsto) emé uno autro planto